Barkatu, Antton. Badakit ez duzula nahi izaten lanorduetan deitzerik, baina ez dakizu zer aurkitu dudan! Uste dut bilatzen ari garena, azkenik, topatu dudala! Zoragarria da! Guk ezinbestekotzat jarritako baldintza guztiak sobran betetzen ditu eta, gainera, guk aukeratutako zonaldean dago!

Amaia Iriondo Aristondo

Lolak oso gustuko zuen etxeko leihoetan hazten ziren geranioak zaintzea. Denbora igarri gabe pasatzen zitzaion orri iharrak kentzen, tiestoetako lur apurra harrotzen, behar zenetan ureztatzen, eta egunero-egunero atzera gelditutako hortz-eskuila batekin landareen orrietako zainetatik kedarra kentzen. Askotan ordu erdi baino gehiago joaten zitzaion horretan, eta gero estu ibiltzen zen etxeko  zeregin guztietara ailegatzeko. Horrelakoetan, kalera … Continued

Anjel Lertxundi

“…Nabarmentzen dira Lertxundiren obran Hego Ameriketan moldatzen ari den prosagintza berriaren influtentziak, baina egilearen estilo ugari eta ironikoak ezin ukatu den pertsonalitatea ematen dio haren jardunari. ‘Sargoia’, ‘Bizardunaren bizarra eta loretokiak’ edo ‘Hiltzea munduko gauza errezena duk’, adibidez, euskal ipuin antolojia batetan ez lirateke ahaz behar…”

Oek de Jong

Luze nago, egon nagoenez, txirringaren zelaren gainean eserita, bainurako zorroa bizkar gainean zeharka, besoak betoizko itxituraren gainean ezarrita, eta denbora tarte horretan guztian scooter-fabrikako gizonari begira egon naiz; antza denez, tranpolin-jauzian trebatzen ari da…

Karmele Jaio

Hiru bikote, adin ertainekoak. Hausnartzen ari diren pertsonaiak dira, bizi izan dutenaz, bizi dutenaz eta bizitzeko dutenaz. Bikote bakoitzak bi seme-alaba ditu, baina bakoitzarekin istorio desberdin batean murgilduko da irakurlea. Izan ere, era ederrean kontatzen ditu Karmele Jaiok Azukrezko Madaritxuak, Kilkerra eta Txupa Beltza, hiru narratzaile mota erabiliz.

Itxaro Borda

Zaborretan azkenak izenburuak ere zentzu-geruza zenbait iradokitzen ditu, hiru ardatz hauetan gurutzatzen direnak: hondakinen kudeaketa eta ekologismoa; zabor-bilketa eta gizarte-eredua; zabor-imajinarioak jendetasunarekin uztartzen dituzten diskurtsoak. Hiru geruza horietan katramilaturik dabilkigu Amaia Ezpeldoiren gogoa Zaborretan azkenak nobelako orriotan. – Iratxe Retolaza